O se taumafaiga o le petition ua valaau ai mo le sisiina ae o fu’a a Apoliki ma le Torres Strait Islanders i luga o le ala laupapa tele i Brisbane le Story Bridge, ua matuai vaaia ai le toatele o le au lagolago aemaise nisi o taitai apoliki.
O le sui o le Morningside Ward o Kara Cook na ia taua ua oo i le taimi o fu’a ia e faalealea ai i luga le ala laupapa lea o loo iai nei isi fua e lua o le fua a Ausetalia ma Kuiniselani.
Fai mai le taitaifono o le Queensland Treaty Advancement Committee o Mick Gooda, o le fu’a lea o le auala agai atu i se Maliega ma le faaleoina o le mea moni.
E oo mai i le taeao nei ua silia ma le 600 i latou ua lagolagoina lenei sainigalima. O isi aai tetele i Ausetalia ua mae’a ona sisiina ae ai le fu’a lea a tagata Apoliki ma Torres Strait Islander.
