Ua popole fomai I le faatupulaia o tagata agai i le falemai ona o aafiaga o le tui

O le myocarditis poo le aafiaga o le fatu o se tasi o aafiaga o loo aafia ai le toatele lea e faalogoina ai ma le tiga o le fatafata

E oo mai I le taeao nei toatolu tagata Kiwi ua faamautinoa mai I suesuega ua maliliu fesootai ma le tui, ae mai fomai ma sui o le soifua maloloina ua faaalia lo latou popole ona o le toatele o I latou ua oo atu mo se fesoasoani e le I maua muamua pe iai foi ni aafiaga tumau o le fatu

O le faaiuga o le tausaga talu ai faasolo mai I le tausaga nei lea na faamauina ai le toatele o tagata gasolo I le falemai ona o nei aafiaga

Ua toe valaau mai ai I tagata o loo tiga fatafata, taupuni le manava ma sui le faalogo I le tata o le fatu e vave vaai se fomai