E oo atu i le fā miliona tagatanuu Niu Sila o loo tuai ona totogi a latou aitalafu.
Mai i lipoti a le Centrix na māua ai o le 480,000 o tagata e lei mafai ona totogi aitalafu i le aso e faagata ai i le masina o Ianuari o le tausaga nei, ma o se fuainumera maualuga tele lea talu mai le 2017.
E tusa lea aofai ma le 13.1% o tagata nono ma e lata i le 10% ua maualuga ai nai lo o le tausaga e 2023.
O le tele o tagata nono na maua e le lipoti o credit card, totogiina o mokesi, faapea ai ma nonogatupe o taavale.
I faatusatusaga o le lipoti o loo māua ai foi ua amata ona aafia ai ma tupulaga e i lalo o le 25 tausaga le matutua e ese mai i tagata taitoatasi e faapea foi le aufaipisinisi.
