O le toatele o tagata Kiwi ua faaali finagalo e tatau pea ona faaauau le tapu ua sā ai nei ona toe faatau atu i fafo manu ola poo live animal exports.
O le masina o Aperila o le tausaga nei na amata aloaia mai ai i le mae’a magoto o le vaa na iai i luga le lata i le 6,000 povi ma le 41 o le aufaigaluega i le tausaga e 2020.
O le fesili o le faigāpalota faapolokiki a le 1News i le vaiaso talu ai na iloa ai o le 51% o tagata Kiwi na fesiligia e lē mananao e toe faataga.
O le suiga ua faasā ai nei ona aumai e le faigamalo a le Labour, peitai, o le ā le iuga e oo iai le faigāpalota tele i le Aso Toonai nei ae suia, e ono toe suia ai ma le tulafono auā o le National, ACT ma le NZ First o loo mananao e toe faataga.
