Ua silia ma le $20 miliona tupe ua totogi mai e le malo mo peimeni ua ta’ua o Civil Defence Payments.
Ua ta’ua mai e le Work and Income, o lea o loo ia totogiina mai nei fesoasoani tupe o le maualuga lea ua mae’a totogiina mai i le latalata i le 35,000 tagata na aafia ona o lologa i Aukilani.
O peimeni nei o loo avanoa mai i tagata i soo se vaega o Niu Sila na aafia ona o le afā o Gabrielle ma na ta’ua e Julia Lynch o le komesina o le Regional Public Service, e tatau ona fesootai iai tagata e iloa ai poo ā fesoasoani e mafai ona agavaa ai, ae o le a foi le fesoasoani o loo mafai ona maua.
O loo mafai e lenei peimeni ona fesoasoani i tau o meatotino ua faaleagaina, taimi na tuua ai fale ae agai ese poo lou fale foi lea o loo nonofo ai i latou ua leai ni fale.
