O lea ua faamaonia mai le tagata lona lua ua lipotia ua aafia i le monkeypox i NIu Sila nei e pei ona tuuina mai ai se faaaliga a le soifua maloloina i le asō.
Fai mai le matagaluega e leai se sootaga o le tagata lona lua ua aafia i le tagata muamua na lipotia le aafia i le Aso Toonai tau ai. Fai mai o lea tagata o loo faamauina sa malaga i atunuu i fafo ma o loo faanofoesea nei i le Northern Region.
O loo ta’ua i le One News e lē o iai se faamaoniga o le pepesi atu o le faama’i mai lea tagata agai i le komiunti.
O le tagata foi na ulua’i faamauina ua aafia i lea faama’i i le faai’uga o le vaiaso ua ta’ua pe ā ma le 30 tausaga le matua ma e aumau i Aukilani ma e faato’ā foi mai se atunuu o loo lipotia le iai o tagata e aafia i le mokeypox.
Fai mai le microbiologist o Sioxsie Wiles e lē taumate o le a vaaia le siitia o le aofai o tagata aafia i lea foi faama’i auā o lea ua toe tatala tuaoi.
Sataoa i Safata
O le a e’e ia i lagitapu ou paia lē popo samoa, auā o sā lava mai le vavau e
