E to’alua ni tama’ita’i Kiwi ua tuua’ia i lo la avatu ai i totonu o Ausetalia, o le oo atu i le 36 kilokalama le mamafa o pauta faasāina o le methamphetamine.
Ta’ua e leoleo pe ā ma le $33 miliona Ausetalia le tauaofa’i o nei fualaau faasāina, pe tusa lea ma le $37.7 miliona tālā Niu Sila.
O ni pauta e faamauina e ono oo atu lava i le 36,000 vaega faatau (street deals) e maua mai ai pe ana sao i tua.
E ta’i 22 uma tauasaga o ia tama’ita’i ma na faamaonia le su’esu’eina o atopa’u a i la’ua nei i le taunuu atu ai i le malae vaalele i Melepone i le amataga o lenei vaiaso; ma māua ai na faimalaga atu mai Meleisia.
Ta’ua i faamatalaga mai le Australian Border Force (ABF), e faapea na o latou maua ni vaega o pauta pa’epa’e white crystalline substance i atopa’u a i la’ua nei ma o lea na faatino ai loa sa’ili’iliga e faaaogā ai masini ma maua ai fualaau faasāina o le methamphetamine.
Puna o Faamatalaga: https://www.nzherald.co.nz/nz/two-kiwi-women-accused-of-importing-37m-of-methamphetamine-into-melbourne-airport/
