E toalua alii ua molia e leoleo i le vaiaso nei ona o se vevesi i fafo ane o se fale’aiga i Otara. Faamauina mai leoleo o loo fetaua’ina na ulufale le isi alii 36 tausaga i le fale’aiga i Bairds Rd Otara poo le te’a o le 3 i le aoauli o le Aso Lua o le vaiaso nei ma ia gaoia ai le box cutter ma amata ai loa ma le vevesi ma se isi alii talavou 17 tausaga le matua i luga o le alatele.
Na faamanu’alia le alii talavou ma ia tago ane ai loa i se samala ma fai ai loa tuliga ma le alii na toalua ai le ‘au vevesi. Maua e leoleo le toalua nei ma taofia loa i lalo o le latou vaavaaiga; ae ua faailoa foi e le Ta’ita’i Leoleo Asiasi o Rakana Cook i le tv 1 o se tulaga faapopoleina ituaiga mataupu faapea aemaise i le lautele o le atunuu faapea tamaiti aoga sa latalata ane i lea nofoaga.
Ua taofia nei la e leoleo le alii e 36 tausaga e tulai i le faamasinoga i Manukau i le aso 7 o Fepuari molia i le umia o se auupega i nofoaga faitele. A o le alii talavou ua tuu atu i le Youth Aid.
Puna o Faamatalaga: https://www.1news.co.nz/2024/12/05/two-arrested-after-alleged-violent-fight-outside-akl-takeaways/
