E toalua minisita o le Kapeneta ua agai iai lipoti ona o nisi o tuuaiga.
O le minisita o faamasinoga, Kiri Allan ua lipotia i le popolega e lē o lelei ona tausi lona va ma lana aufaigaluega.
O ni tuuaiga o loo teena e Allan, e pei ona ta’ua ai e le Newshub o le lē lelei o le va o le minisita ma se tasi o le aufaigaluega na mafua ai ona faamavae lea tagata galue i le silia ma le tausaga talu ai.
E lei faigofie le tu’ifesili o le minisita ananafi ae o lea faatoa toe foi mai ai i lona uluai aso mo ona tiute e pei ona sa ave ai ona aso malolo ona o nisi o aafiaga tau i le maloloina o lona mafaufau.
Ae i le minisita o aoga lea sa agai iai suesuega i le tuai ona faasa’o o ana faamatalaga sese i totonu o le maota fono, o lea ua lē faamaoniaina tuuaiga sa faia faasaga ia te ia e ui o loo fesiligia pea e sui o Itu agai, ma ua faatoese ai i le komiti faapitoa a le Palemene lea na gafa ma suesuega.
