O loo fia talanoa leoleo i nisi e silafia ni faamatalaga i le faalavelave na tula’i mai i le po anapo i le faaitu o Clyde North i Melepone, lea na maua atu ai ni alii se to’alua o iai manu’aga e foliga na tatui se’i tulou i le tusa poo le ‘afa o le 9 i le po anapo.
O lipoti a le 9News ua ta’ua ai e taunuu atu leoleo i le fale lea i Observatory Street o loo faia togafitiga i le to’alua lea peitai na maliliu ai lava mulimuli ane ma o loo faatalia se faamaoniga o i laua ia.
Na ta’ua i le lipoti e talitonuina e to’atolu i latou sa iai i lea fale ma o le isi alii e to’atolu ai e taunuu atu leoleo ua aga’i ese ma o loo sa’ilia nei.
O loo faatalanoa e leoleo nisi sa iai i le nofoaga lea i le taimi o le faalavelave ma e talitonuina e masani uma le to’atolu o loo aofia.
Faailoa e leoleo ua talosaga i soo se tasi e silafia se faamatalaga pe iai foi se ata mai le CCTV poo dashcam ina ia fesoota’i ane i se ofisa o leoleo o lata ane poo le crimestoppers.
Puna o Faamatalaga: https://www.9news.com.au/national/two-men-found-stabbed-to-death-melbourne/d7b433a5-0606-41a9-80f4-93fd65e60702
