I tapenaga lava a Samoa mo taaloga a le Pasefika e toafā le autaaalo ua faamautu e aofia ai alii e toatolu ma se tamaitai e toatasi o le a fai ma sui o le atunuu i le taaloga Taekwondo.
O le kalapu o le KLAS Taekwondo club ua ausia e lana ‘au masii mo ia taaloga faavaomalo se tulaga maualuga i le umia lea o le fusipa’u uliuli o le 1st Dan Black belt ua agavaa ai i le ausia o vaega e tatau ona filifilia ai i taaloga faavaomalo.
O le ‘au masii o le taaloga Taekwondo mai Samoa o loo faauluulu i le susuga Kaino Thompsen Fuataga o le faiaoga foi lea.
Ua faaalia e lea tamalii i se pepa o faamatalaga le lava tapena o le ‘au a le atunuu mo taaloga a le Pasefika i le faaiuga o lenei tausaga.
