E to’afā ni alii ua molia i se faalavelave na tafana ai ni alii se to’alua i ni nofoaga eseese i Claymore i le itu i Saute o Sini i le masina talu ai.
Na faailoa e le 7News o faalavelave ia, e lua nofoaga na tutupu ai i le aso 3 o Aokuso, o le isi i Highfield Park ma le isi i se faleoloa e lata ane lava i lea nofoaga.
Fai mai a o lei tafanaina alii e to’alua sa faafefe i totonu o se taavale e faaaogā ai se fana ma ave atu ai i ia nofoaga.
Na faavave atu i le falema’i i Liverpool mo togafitiga ma o le isi alii e 30 tausaga o loo i se tulaga lelei se’i vaganā le 29 tausaga sa tigaina peitai ua toe manuia uma i laua.
O le vaiaso nei na faia ai su’esu’ega a leoleo i ni fale i Western Sydney ma tapu’eina ai alii ia e to’afā, molia i moliaga o le taumafai e fasioti, faaoolima, ave faamalosi o ni tagata ma le faia o gaioiga faasolitulafono.
Fai mai leoleo o i latou ia e fai si ogaoga o a latou solitulafono ma o loo teena le tatala i tua.
Puna o Faamatalaga: https://www.msn.com/en-au/news/australia/four-men-charged-over-alleged-kidnapping-torture-and-shooting-in-sydney/vi-AA1qH184
