E toa 25 nisi tagata ua aafia I le koviti 19 ile aso I totonu o Niu Sila. Toa 23 mai le border ma le toalua mai le komiuniti. O tagata e toalua lea e tau ana iai lo latou sootaga ile tagata faigaluega ile uafu lea o loo faanofoesea ile taimi nei.
O loo faia galuega e faafesootai tagata na mafuta ma e ua aafia ao ananafi e toa 11 Lusia ma nisi o faifaiva mai Ukraine na felelei ane mo Niu Sila mai Ukraine ma Lusia ma faia siaki ma iloa ai o loo aafia I le faamai ma leisi toa 14 sa suesueina. Ua quarantine uma I latou ia e pei ona faamaonia I le aso e le sui o le Matagaluega o le Soifua maloloina, Dr Ashley Bloomfield, ile feiloaiga ma tusitala.
O le tusa ma le 235 o faifaiva na aumaia I niusila mai Ukraine ma Lusia oni tagata faigaluega a le Independent Fisheries, Sealord ma Mruha Nichiro. I isi lipoti o le aso na faailoa ai e le faauluuluga a le MIQ Darryn Webb mai le ofisa o faa’su a niu sila, ole Sudima Hotel ua faatulaga mo le aufaigaluega a le Fisheries poo le ofisa o faigafaiva.
