Ua tuua le atunuu e le autaaalo a Samoa mo taaloga laiti a le Pasefika o le a faia i Saipani le laumua o le atunuu o motu o le Atu Mariana i Matu poo le Northern Marianas (CNMI) mai le aso 17 i le aso 25 o le masina nei o Iuni.
Na tuua e le autaalo le atunuu i le Aso Toonai na te’a nei ina ua mae’a le saunoaga faalaei’au ma le faamalosi mai le afioga i le Sui Palemia o le atunuu le afioga Tuala Tevaga Iosefo Ponifasio.
O le autaalo o le a tausinio i taaloga e pei o afeleti, taaloga siisii uamea mamafa, le taaloga volipolo i luga o le oneone, tapolo ma le tenisi.
Ua tele masina o koleni ma tapena le aumasii a Samoa ma le faamoemoe o nisi o i latou ua filifilia o le a faaauvaaina le aumasii a le atunuu mo taaloga a Malo o le taupulega a Peretania i le masina o Iulai e oo i le masina o Aokuso.
