O loo matuai iloga ona tigaina Vanuatu i afā, faatoa 24 itula talu ona alu ese Judy ae toe lapatai e faatali le afā lona lua.
Lipoti a le leitio a Niu Sila o le Aso Lulu lea na matuai faaleagaina ai le tele o vaega Vanuatu e le gata i lologa, fale o aiga ae ua tuua ai nei le faitau afe o aiga leai se vai faapea le eletise.
O afā lea o Judy sa faatulagaina i le Category 4, peitai i lipoti a le ofisa o le vaaitau a Fiti ua faamaonia ai o le afā lona lua o Kevin o loo faamoemoe e toe aafia ai Vanuatu i le Aso Tofi faasolo atu i le taeao o le Aso Faraile.
Ae mai le faigamalo a Vanuatu e le o se taimi faigofie, ma atonu faatoa iloa atoa le tau o mea ua faaleagaina i le faaiuga o le vaiaso.
E ui i le malosi o Judy sa iai i Vanuatu, ae oo mai i le taimi o tala fou e le o iai ni lipoti o ni soifua ma’umau.
