A itiiti mai pe a male to’a 32 tagata ua maliliu ma le isi to’a 66 o loo manunu’a ina ua pa’ū ane se crane i luga o se train i le itu i Mātū i Sasa’e o Thailand.
Fai mai o le crane sa faaaogā i galuega o fale o loo fausia i lea faaitu ma sa faaleagaina ai nisi vaega o le train na pa’ū tonu aga’i iai i luga ma mū ai se tasi o vaega o le train.
Ua faailoa e le BBC e aofia ai ma se pepe e tasi le tausaga le matua, ma se tagata matua e 85 tausaga le matua, ia i latou o loo manunu’a, o le isi to’a 7 e matua’i tigāina manu’aga.
O faamatalaga mai le aufaigaluega a le train e faapea e 171 le pasese sa i luga o le nofoaafi i le taimi na tupu ai le faalavelave ma ua lipotia le ave i le tulafono e le Thai State Railways o le kamupani faufale e ana le crane ma ua faailoa i le lipoti e le Italian-Thai Development Company lo latou faanoanoa i le faalavelave ua tupu ma o le a tuuina ni taui i aiga o nai tagata ua maliliu ma manunu’a.
Puna o Faamatalaga: https://www.bbc.com/news/articles/ceqz7v1507ro
