Ua faailoa mai e Thailand ua o latou pomuina le Logistic centre e lata i le taulaga o Poipet i Cambodia, o se nofoaga e masani ona iloa tele i se tasi o casino tele o loo iai aemaise o loo iai ma le kolosi i le va o atunuu e lua.
Fai mai ua faatino lea tulaga a o faaauau pea fetaua’iga a fitafita o malo e lua i o la tuaoi.
O le faamatalaga mai le ofisa o le puipuiga a Cambodia ua ta’ua ai, e lua pomu na faapa’ūū atu e vaegā’au a Thailand ma le faamatalaga o loo taula’i osofa’iga i se nofoaga o loo teuina ai loketi a Cambodia.
Ua oo atu i le 21 tagata mai Thailand ua maliliu i nei fetauiga ma le to’a 17 i Cambodia ma le oo i le 800 afe ua leai ni fale e nonofo ai.
Faailoa e Trump i le vaiaso talu ai e mafai ona ia taofia le vevesi lea, na o le piki lava i luga o lana telefoni, o loo māta’itū pea la e le to’atele poo le ā le isi laasaga o le a sosoo ai i ia vesiga.
Puna o Faamatalaga: https://www.bbc.com/news/articles/czxgrl4937yo
