E fai si tele o videos ua agiga o se alii ua molia e faatatau i se faalavelave o loo faia nei iai su’esu’ega a leoleo i se tinomaliu na maua i le uafu i Aukilani, o ia videos i luga o le YouTube o loo faailoa ai lē ua molia o loo pese e foliga o ni pese kerisiano o loo ia usuina.
O vaega o se tinomaliu na maua o se tamaitai se’i tulou sa i totonu o se tagapepa iila na maua ane mai le sami i le itu i Matu o le uafu i North Auckland i le masina o Mati.
E to’alua na pu’eina ai e leoleo i le mataupu lea o Kaixiao Liu ma Lanyue Xiao na pu’eina ia Iulai ina ua taofi mai i le malaevaalele i Aukilani ma ua molia foi ae o loo tetee i o la moliaga a ua toe tatala i tua.
O isi la video o le tagata lea o Liu o loo faaulutala ai se tasi o ana pese, Real Salvation ae o le mau a le to’atele sa auai faatasi i lana aufaipese, e foliga o Liu e lē o se tagata pese moni ae sa ia faaaogā le auala lea e fesoota’i ai ma tagata i lana poloketi sa ia faailoa o loo galue ai.
E talitonu foi ia tagata pepese o le faitau selau o itula sa fai ai a latou pu’egapese ma le tagata lea, e leai ma se pese ua faalauiloaina.
Puna o Faamatalaga: https://www.rnz.co.nz/news/national/528279/man-charged-over-body-found-in-plastic-bag-appears-in-videos-of-worship-music
