E tele tupe maua mai sala o le faaaogā o le telefoni ae o loo ave le taavale.
E lē faatagaina le faaaogā o le telefoni ma ave le taavale i totonu o Niu Sila, ma o le faasalaga tupe e $150 lea e totogi ma toesea demerit points e 20.
I le tausaga e 2022, e 47,631 soligatulafono o le faaaogā o le telefoni ma ave le taavale na faamauina ai, ma na maua mai ai le silia ma le $6.9 miliona.
Ae savalivali mai i le 2023 ua siitia i le 25.8% le toatele o avetaavale na maua ai, ma o le alu foi lea o tupe maua, e pei ona maua ai le silia ma le $8.7 miliona.
E lē o se tala fiafia i leoleo, ma e lē o mafai ona faamanino mai poo faasalaga nei na faia i avetaavale ina ua faamalosia le tulafono o le faasā ona faaaogā o le telefoni.
Peitai a faatusa Niu Sila ia Ausetalia, e lē o se faasalaga le $150 auā o lea e totogi le faasalaga e $1246 tala Niu Sila e avetaavale Ausetalia.
O loo iai fuafuaga ua tatau ona laugatasia faasalaga a Niu Sila ma Ausetalia, ma e tatau ona tuu atu iai ma tagata e lē o faia ni fusipau.
