O se kamupani e faagaioia faigamalaga poo tafaoga i luga o vaa tetele, le Island Escape Cruises NZ ua taua e le ABC ile aso sa o latou faasalalau ni faigamalaga ae lei iai so latou laisene e faatautaia ai.
Na o latou tuuina pili e oo atu i le 15 afe mo faigamalaga e aofia ai le Kimberley Coast ma taliaina foi bookings na fai atu a tagata e oo mai ia Iulai o le tausaga nei ae lei afaina le kamupani.
Fai si toatele oi latou ua aafia i lenei faaletonu ma ua faailoa e le faigamalo a le feterale e lei iai lava se talosaga na faia e le kamupani e talosaga ai mo se laisene.
Fai mai nisi faamatalaga e tusa o lea mataupu o loo faailoa i luga o le upega tafailagi a kamupaninisi o faigamalaga mo aso e 10 e fealuai ai i setete ile va o Broome ma Darwin mae manaonia ai foi se laisene e mafai ona faatino ai peitai e le o iai se faamaoniga o se talosaga o se laisene ua faia. O le a tulituliloa foi le tulaga o lea mataupu aemaise o le tulaga e iai nai tagata ua maumau ai a latou tupe
