E tele isi miliona faaopoopo na toe faaalu mo le motorway fou lea o loo i le va o Pūhoi ma Warkworth, ma e ono alualu ai pea faapea.

O le sosooga fou lenei o le motorway agai i Matu na faaalu ai le silia ma le tasi piliona, peitai e lei gata ai i’i tupe faaalu mo lea auala.

I faamaumauga e tusa ma le $77 miliona na toe totogiina atu i le konekarate a le Fletcher ma e lē o faamautinoa mai e le Auckland Transport pe fia isi tupe lea o loo fuafua e toe faaalu ai.

O le auala lenei e lei mamao atu na toe sau ai tala ua fesiligia le umi ona faatumauina lona malosi mafua mai i le ono lamatia i taimi e solo ai le palapala.

Mai le lipoti faaletausaga a le Fletcher o lea o loo galulue pea i palapala solo fou lea e oo atu i le 18 lona aofaiga.