E tele foai mo tagata na aafia i le afā peitai e lē sa’o le tele o mea ua foaia.
O lea ua tele ina leai ni avanoa o nofoaga o loo faamaopoopo iai le tele o foai a tagata, ma e lē toatele ni tagata volunteers o teuina ma faasoasoa.
O le tala mai nisi o loo faavasegaina le tele o foai ua faaoo atu mo aiga na aafia o Wairoa, e iai nisi o oloa na faaoo atu o le a toe ave i le lapisi ona e le o moomia.
Ua fai mai ai foi se tasi o le au galulue, e le o se faleoloa e ave iai ofu ua le toe moomia poo le op shop.
O se tasi o volunteer a le Haumoana community ua ia toe molimau i tala a le Newshub, e moomia le silafia lelei e tagata o mea o loo moomia e aofia ai apa susu a pepe, o nappies, vaitaumafa, mea e faaaoga i faletaele atoa ma oloa e moomia mo kiligi poo galuega faamamā.
E iai nisi o foai ua o atu ai ma seevae muliuumi, ofu mo pati ma le tele o ofu peiseai ua foai atu ona ua le o toe moomia ae ua le foaia ona o le tagata mafatia ua leai se mea o totoe ona ua ave e le afā.
