E tele fale ua motusia mai ai le eletise i Niu Sa Uelese i le mae’a o timuga mamafa ma matagi na aafia ai le setete i le po anapo.
I Sini fai mai e 4,500 tagata ua motusia le eletise mai o latou fale talu mai le taeao analeila ma i se faamatalaga mai le Ausgrid ua faailoa ai o loo galulue le aufaigaluega i le toe faafoi atu o le eletise i fale o aiga.
Fai mai ua mafua le motusia o le eletise ona o le fesuisuia’i o le tau ananafi, e fai o le vevela na oo i le 40 tikeri i le tele o nofoaga ae o storms foi na aafia ai nisi faaitu.
Ina ua malu le afiafi na vaaia timuga ma matagi malolosi.
Ua lapata’ia e le Ausgrid tagata ia faamamao ese ma uaea o molī eletise ua to’ulu ma ia lipoti atu soo se mataupu e aofia ai le eletise i le latou telefoni 131388.
Puna o Faamatalaga: https://www.9news.com.au/national/thousands-homes-without-power-after-sydney-rain-wind/2b4e9310-fdb9-45dd-a3e2-a7426eb53701
