Fai mai e tele auala ua faaleagaina ma faigatā ona uia i Fiti e māfua mai i uiga loulouā o le tau ma le mamafa o timuga mai le afā o Vaianu.
Ua lapata’ia e leoleo tagata o le atunuu ia ‘alofia nofoaga lolovaia ma ia faaeteete.
O ata na tapu’e ane e tagata ma faailoa i luga o upega tafa’ilagi ua iloa ai aafiaga o le si’osi’omaga mai le afā, e ui e lē o ta’ua o le a aafia tonu ai Fiti.
O le faamatalaga mai le vaaitau ua faailoa ai o le a faasolo ina malolosi matagi o le afā lea i le tele o vaega o le atunuu ma o le a iai foi ma tō faata’uta’u.
Ua faailoa foi e le vaaitau ua o latou maua foi lipoti o lōlōga faafuase’i ma ua fuafua e iai pea le afā o Vaianu i lona auala o loo alu ane ai i le itu i Saute i Sasa’e o le atunuu.
Ua tapunia le tele o a’oga faapea foi ma le faalēaogāina o nisi faigāmalaga.
Fautuaina tagata ia ‘alofia nofoaga o vaitafe aemaise le sami ma ia faasao le suāvai taumafa ina ne’i aafia tele le atunuu i aafiaga o lea afā.
O le isi afā o loo lipotia mai foi i le Pasefika o le afā o Maila.
Puna o Faamatalaga: https://www.rnz.co.nz/international/pacific-news/591661/cyclone-vaianu-roads-cut-off-schools-closed-flights-cancelled-in-fiji
