E teena e le alii taalo iloga a Ausetalia o Kurtley Beale ona moliaga o le faia o uiga matagā fai faamalosi i se tamaitai i se faletalimalo i Sini i le aso 17 o Tesema i le tausaga talu ai.
Sa tulai Beale i le faamasinoga i Downing Center i le taeao analeila ma teena ai ona moliaga.
Sa fai foi sana faamatalaga i fafo ane o le faamasinoga e matuai sese nei tuuaiga ua faia faasaga ia te ia ma o le a faailoa lava le mea moni.
Sa aofia ai Beale i le lisi o tama e toa 44 a Ausetalia sa filifilia e auai ai i se camp e fā aso a le Wallabies sa faia i le Gold Coast a o lumanai ai le Ipu o le lalolagi ia Setema.
Ua silia i le 90 taaloga a Beale mo le Wallabies talu ona taalo i le silia ma le 10 tausaga.
