Ua mae’a taumafaiga a le alo o le atunuu na tauva i le tuuga aau, le susuga Johann Stickland e pei ona faataunuu i le amataga o le vaiaso nei, ma e lei faamanuiaina i se pine.

E ui e lei faamanuiaina i se pine, ae o se tulaga maualuga le mafai ona agavaa Stickland mo nei taaloga tetele a le lalolagi, le Olimipeka.

Ua totoe ai nei le sui tauva lona lua a Samoa i taaloga tuuga aau, o le a tauva ai le tamaitai o Kaiya Brown i le faai’uga o lenei vaiaso i le vaega o le Women’s 50m Freestyle.

Ae o le afiafi nanei o le a tauva ai Eroni Leilua ma Vaimooia Ripley i le tuuga vaa faila.