Ua faamauina nei i talafaasolopito o le taaloga lakapi pa’i poo le touch rugby i Samoa, le tausinio o se ‘au muamua i le vaega o alii mai lo tatou atunuu i le sa’iliga o le ipu o le siamupini o lea lakapi a le setete o Kuiniselani i Ausetalia.
O le faai’uga o le vaiaso nei e amata ai lea taamilosaga lakapi pa’i ua ta’ua o le Queensland State Cup 2024.
O le nofoaga o Coomera i le Gold Coast o le a faagasolo ai lea sa’iliga siamupini mai le aso 29 o Novema e oo i le aso muamua o Tesema, o lona uiga e tolu aso o le taamilosaga.
