Ua i Samoa nei le sulu o taaloga o Mālō taupulega le Commonwealth Games 2022 ma o le Aso Tofi o lenei vaiaso ua amata ai le taamilosaga a le sulu i le atunuu.
O le Ofisa tutotonu o taaloga le SASNOC i Tuanaimato na amata mai ai le solo o taavale e faalauiloa ai le sulu ma tauave e nisi o tagata ta’aalo ua lautogia.
Sa agai atu lea solo i le taulaga seia oo ina taunuu i lumā maota o le Mālō i Eleelefou ona tauaao lea o le sulu i le afioga i le Minisita o Aoga Taaloga ma Aganuu le afioga Seuula Ioane.
O Fiti lea na mulimuli faalauiloa ai le sulu o taaloga a Mālō o le taupulega ma faaauau atu ai i Samoa. O ia taaloga o le a faia i le tausaga nei i le aai o Bermingham i Peretania i le Aso 28 o Iulai i le Aso 8 o le masina o Aukuso o le tausaga nei.
