Ua amata faatino nei galuega i le ogasami o loo goto ai le manuao o le Manawanui i gataifale o Tafitoala i Safata, i le aveesea o suāuu o loo iai pea i luga o lea vaa o le fiafita o le sami a Niu Sila.
Ua taunuu iai i le ogasami le lagisi sa toso iai mai le uafu i Apia ese vaa toso vaa poo se tug boat.
O luga o le lagisi ua iai ni tane tetele mo le pamuina iai o le suāuu.
Ua faailoa i se tasi o poloa’iga mai le Minisita o Galuega Tetele ma Fela’ua’iga le faasā ona toe uia o le tusa ma le lua kilomita faataamilo poo le 360 tikeri o le ogasami o loo goto ai le Manawanui a o faatino ai galuega i le taimi nei.
O lea tapu e faasino tonu i ni vaa o le sami ma ni vaalele ma tagata.
E faato’ā toe faataga ona uia le ogasami ua faasino iai le poloa’iga pe a mae’a le galuega o le aveesea o suāuu mai le manuao o le fitafita o le sami a Niu Sila.
