O le mataupu i nisi o tulaga sa alia’e mai i le pulega o le NZ Rugby faapea lana fono faatonu ua mae’a soalaupule ina ua malilie iuni faaitumalo ma stakeholders, faapea le Super Rugby Franchise ma le asosi o tagata taalo lakapi a Niu Sila e faamuta loa ia feeseesea’iga.

O le stuff.co.nz o loo lipotia ai le folafolaga a le NZ Rugby i le aso o le maliega ua mae’a ona faatino ma ua tapunia i le mae’a o le tele o faatalanoaga.

Sa saunoa le Ofisa Sili o le NZ Rugby Players Association, Rob Nichol e taliaina foi e latou le maliega ua taunuu iai.

I lalo o le maliega ua iai nei o le a amata ai loa ona saili e le NZ Rugby se fono faatonu fou ma e tatau ona toe talosaga faatonu o loo iai i le taimi nei mo o latou avanoa pe afai e fia tumau pea.

Ua fuafua la o le faai’uga o Novema e tatau ona oo atu iai ua faamautū sui fou uma o le Board ma amata ai loa i o latou tofiga i le aso 11 o Tesema.

Puna o Faamatalaga: https://www.stuff.co.nz/sport/350405896/new-zealand-rugby-stakeholders-announce-end-governance-saga-warring-parties