I le mae’a o masina o feutana’iga ma faatalanoaga faapea foi solo tetee, ua faailoa mai e le Health NZ ma le Union of Allied Health workers ua iai sa latou maliega ua taunuu iai.
O le PSA poo le Public Service Association ua o latou faailoa i le lipoti a le RNZ, e silia i le 12 afe sui o le asosi ua o latou siilima e ioeina le maliega ua iai nei.
E aofia ai se siitaga e 2.5 pasene mai ia Tesema 2025 aemaise le isi 2 pasene e siitia ai mai ia Tesema o le tausaga nei atoa ai ma se peimeni e $500 o le a faia.
Ua talia lelei foi e le Health NZ ia fetuuna’iga.
Fai mai le sui o le iuni o tagata faigaluega e ui e le’i maua uma vaega sa finau ai ae ua o latou talia le tali aupito lelei lea ua tuu ane mo i latou i le taimi nei.
O i latou e aofia i le maliega e iai tagata faigaluega o le soifua mālōlōina aemaise tausi soifua ma isi pe ā ma le 12,300 o le a penefiti mai lea maliega.
Puna o Faamatalaga: https://www.rnz.co.nz/news/national/587867/health-nz-and-psa-reach-deal-after-months-of-negotiating-and-strike-action
