Ua i luma nei o le faamasinoga le vevesi faalotoifale a le itutino tau taaloga ua ta’ua o le Samoa Triathlon Federation ma ua tuua’ia ai lē sa avea ma faauluuluga le susuga Seti Afoa, i lona faia o ni gaioiga i se auala solitulafono i ni seleni poo tupe sa maua e lea faalapotoppotoga tau taaloga e ala i fesoasoani ma le aulagolago.
O lenei mataupu ua faaulu i le faamasinoga faaitumalo e faaaogā ai se loia tutoatasi na te finauina moliaga poo se private prosecution.
Peitai ina ua valaau le mataupu i le Aso Lua e lei oo atu Seti Afoa o loo molia e ni sui o le Samoa Triathlon Federation, ma ua faatonuina ai le sailia o lē o loo tuua’ia i se tusi saisai poo le warrant of arrest.
O lea tusi saisai na talosagaina e le loia o loo finauina moliaga faasolitulafono.
