A o fai mai Niu Sila e leai sona sootaga ma le vaa a le Atu Kuki lea ua toe maua ai suāuu Lusia i Finland, ae e lē o mafai ona ‘alo ese ai mai le ta’uleaga atu ai ma Niu Sila.
O le vaa lenei o loo lesitala i le Atu Kuki ma o lea na toso e Finland ina ua maua i ona ogasami i le vaiaso talu ai ma ua su’esu’e ai nei lona feavea’ia o suāuu mai Lusia, ma o loo masalomia ai foi o lea na momotua cable ma faaleagaina ai laina initeneti.
O lea ua faamautinoa mai e le matagaluega a le va i fafo a Niu Sila, ua ia silafiaina, ma e ui e leai se mea o le a faapipii atu ai ma le igoa o Niu Sila i le vaa a le Atu Kuiki, ae o le popolega ua iai nei le matagaluega o le ono faalafi e Lusia o le faaaogāina o le vaa lenei.
O le Atu Kuki o lea e pulea lava e lona malo ana mea e fai, peitai e tele le fesoasoani a Niu Sila i mataupu tau i le va i fafo, o mala faanatura ma le puipuiga.
Ua faaalia ai e nisi o tagata su’esu’e i Niu Sila, le aafia ai o le igoa o Niu Sila i le vaa lenei ma ua fesiligia ai nei foi le mafutaga i le va o Niu Sila ma le Atu Kuki, ona o lea e tele sā ua faia e Niu Sila faasaga ia Lusia ona o le taua ma Ukraine.
Puna o Faamatalaga: New Zealand not responsible for ship seized by Finland – MFAT | RNZ News
