Ua tāpā e le Minisita o Tupe, Nicola Willis faamatalaga i le faaauau ai ona sii o le tau o loo totogi mo le faaaogāina o le eletise.

O le taugata o le tau o le eletise ua faaulu ai e le Electric Kiwi lana faaseā aloaia i le komisi o pisinisi, faapea ai ma nisi o pisinisi ua faamautinoa mai i le vaiaso nei o le a tapunia e mafua mai lava i le lē gafatia ona totogi le pili o le eletise lea ua molimau nisi ua 600% ua alu ai i luga talu mai Setema o le 2021.

Ae mai le Minisita o le Regional Development, Shane Jones ua ia faatusaina o le taugata o le eletise a Niu Sila ua matuai maualuga tele pe a faatusa i isi atunuu e lelei tamaoaiga ma o lana ia feau tuusa’o i pulega nei o loo pulea le eletise, afai ua lē mafai ona outou foia faafitauli masalo ua tatau lona ona lafo mai i le malo.

Ua sau ai ma le tala e lē o toe mamao oo mai i tagata taitoatasi siitaga nei ma o lona uiga o le a faaauau ai faapea i tausaga taitasi.

I faatusatusaga i atunuu e pei o Ausetalia, o lea e faaonoina le maualuga o le tau o le eletise o loo totogi e Niu Sila.

Puna o Faamatalaga: Watch: Skyrocketing electricity prices are coming for you | Stuff