E faitau selau miliona tupe a tagata Niu Sila o loo alu agai i le Paywave i le tausaga.
O faatusatusaga nei a le komisi o pisinisi ma le tala ua na o se vaega o le tasi piliona o loo totogi e tagata Kiwi i le tausaga agai i pisinisi o loo faaaogāina le Mastercard ma Visa card mo peimeni.
Ua fai mai ai foi ma le komisi ua maualuga tele le 2% o loo totogi mo le Paywave ma ua iai ana fuafuaga o le a agai e faamuta.
Na saunoa ai le sooupu a le komisi, John Small e pei ona lipotia e le leitio a Niu Sila, o lea lava foi e iai le tau e totogi a o faaaogā Visa ma Mastercard ma o peimeni nei o loo toe tuu ai e pisinisi tau o oloa ma auaunaga i luga.
A o taumafai ai la le komisi i se auala ia faamāmā avega ai i tagata faatau faapea foi pisinisi, o le fautuaga mo tagata faatau, afai e faaaogā le debit card, swipe ona leai lea ai o se surcharge e totogia.
Puna o Faamatalaga: http://’Really quite annoying’ – Paywave surcharges come under fire | RNZ News
