O Iulai o le tausaga ua mavae na sainia ai pepa o le vaa lenei e tauaao mai e Iapani mo Samoa ma le faamoemoe o le tausaga lenei e faatino ai ma ua feauga lelei lava le taimi ma fuafuaga sa faia i le va o malo e lua.
Na saunoa le Tamaitai Palemia o Samoa, o se isi lenei maa faailogaina o atina’e mo lo tatou atunuu e ala i le faigapaaga ma le Malo o Iapani.
O le fesoasoani sa aofia ai le vaa lenei e tusa lona tau ma le 1.5 miliona, faaopoopo iai le prefabricated pontoon atoa ai ma aso e lima sa faia ai aoaoga mo le faaaogaina o le vaa.
A o faatalia ai se vaa e sui ai le vaa o le Nafanua lea sa pa’ulia i gatai o Salelologa ia Aokuso 2021, sa faafetaia e lo tatou malo le aao fesoasoani o le malo o Iapani ua mafai ai ona maua le fesoasoani mo lenei taimi auā le vaavaaia lelei o gataifale o lo tatou atunuu.
