O le tumutumu ai o le talafatai o Apia e lē gata ia i latou o loo patino iai le tuuga vaaalo a le lalolagi a o i latou o loo mafai ona malaga mai e lagolagoina ‘au taitasi.
Na ta’ua ai e le Minisita o Tagata Tafafao maimoa mai fafo Afioga Toeolesulusulu Cedric Schuster o se tasi lenei o fesoasoani tele i le tamaoaiga o le atunuu.
“A silasila i le fuainumera o i latou o loo auai i lenei faamoemoe tele le tupe e maua mai ai, o faletalimalo o loo nonofo ai, o taavale tulaga i femalagaa’iga, o pisinisi o loo faia i faatauga soo se mea lava e faaalu ai le tupe o inā o loo maua mai ai la tatou tupe maua mai nai tagata nei.
“Pau lava le mea ia lelei le tatou internal investment i tapenaga ma faatinoga.
“A lelei foi le faalapotopotoga o loo gafa ma le tapenaina o nei faamoemoe e faigofie foi le galuega a le Malo.”
O le aso muamua lenei o tuuga vaaalo mai lava i le vaega laiti seia oo i le vaega matutua.
E lei mafai ona faataunuuina le tufatufaina o faailoga a auvaa o loo lautogia i le faamoemoe o le asō ona elei maea nisi o tuuga.
O le tuuga vaaalo lenei o loo faagasolo ma e tapunia aloaia ai i le faaiuga o le vaiaso nei.
