Ua faamautinoa mai e le Minisita o le va i fafo a Niu Sila, Winston Peters i le taeao nei e to’alua sui o le aufaigaluega a le matagaluega o le va i fafo o loo tau sa’ilia pea.
O tagata faigaluega nei e le’i iai i le ofisa o le Haikomesina i le taimi na lūlū ai le mafui’e, ma o nisi foi o tagatānuu Vanuatu o loo faafaigaluega ai.
Fai mai ai le Minisita o lea ua tapena le vaa a le militeli, ma afai ae mafai ona tulaueleele i le asō, e alu nei lava i le aoauli.
O le malaga foi lenei o loo alu ma le uta faapea tagata e fesoasoani, ma o lea na tapena uma faavavevave anapo e tusa ma faamaoniga a le minisita.
O le faigamalaga lenei e ese mai le isi vaalele a le militeli o lea ua tapena e alu i le taeao nei e fesoasoani i su’esu’ega o loo faia.
E lē o faigofie le taumafai atu e fesoasoani ia Vanuatu ona o le motusia o itu tau fesoota’iga talu mai lava le taimi na faaleagaina ai e le mafui’e ananafi.
Puna o Faamatalaga: Live: Death toll rises, hundreds hurt in Vanuatu 7.3 earthquake | RNZ News
