O lipoti mai le One News ile aso ua taua ai o loo tau sailia pea e leoleo se tamaitai mai Magele ua faamaonia le aafia I le koviti 19, fai mai leoleo o loo faia pea taumafaiga e sailia ai o ia.
Ole faatonu aoao o le Soifua Maloloina Dr Ashley Bloomfield na ia taua e lei mafai ona fesootai iai sui mai le Soifua maloloina lautele I le tamaitai lea ma ua logoina ai leoleo mo se fesoasoani.
O le mafuaaga ina ia aveina I nofoaga faanofoesea ma faatino faatalanoaga e pei ona masani ai I tagata ua aafia I le faamai e faailoa ai nofoaga sa iai ma tulaga e ono aafia ai nisi. E lei tuuina foi iai se faatagana e faanofoesea ai ile fale ma e le o iloa foi pe iai ni ona faamaumauga faasolitulafono.
O lipoti a le Herald o loo taua ai o lea tamaitai pe a ma le 40 tausaga e silafia foi e leoleo ma fetauaina foi I nisi lipoti e iai ona sootaga I se kegi .
Ua faailoa mai I le aso e sui o le Soifua Maloloina I le feiloaiga ma tusitala, e 71 cases fou ua faamauina mai le komiuniti, ma o I latou uma ia o loo I Aukilani.
