Ua moomia le sui o fesili o loo faatumu pe a faatalosaga le visa malaga.
O le talosaga lea a se tasi o tagata Niu Sila agai i le Immigration i le mae’a fesiligia o lona tina 70 tausaga pe e ma’itaga atoa ma le tapa o se CV.
O lea foi ua faaulu lana talosaga o loo faaseā ai i le tele o le gaogaosa e tapena mo le faatalosagaina o visa, atoa ai ma le ave faafia o pepa o loo moomia mai mo le talosaga.
O le tapa mai o le CV mo le tina matua ua litaea ua toe molimau ai lona atalii i tala a le leitio a Niu Sila, o lea lava na tusi le CV.
Na molimau ai foi se tasi o tagata faufautua a le Immigration poo le immigration adviser, o le fesili lava foi lea pe ma’itaga na sau i fesili o le talosaga a le 3 tausaga.
I se tali mai a le Immigration o fesili lava nei e sau i talosaga o visa, ma e pau lava le mea e fai o le faamisi pe afai e le fetaui, peitai o le CV e tele lava ina faatoa tapa pe afai o loo faatalosaga mo le visa faigaluega.
