Ua tatau ona tutuli uma le Komiti Faafoe a le Alpine Energy, peitai mai fai mai le taitafono e lē mafai ona tupu.
O le Alpine Energy poo le pulega o malosiaga tau eletise e onaina e Canterbury i Saute, o ia lea ua toe tautino na ova peimeni na totogi e paaga mo le umi e 9 tausaga, e tusa lea ma le $2 miliona i le tausaga.
O le Aso Toonai foi o le vaiaso talu ai na faamavae ai le taitaifono sa iai, Warren McNabb ae suitulaga ai nei Clark Reynolds.
O le tulai mai o le taitaifono fou ua ia faatoese ai i tagata na aafia ma na ia faamanino foi e tāua ia te ia le taumafai e saili se fofo na i lo le tuua’ia o tagata faigaluega e lē o toe iai.
Na faamautinoa mai ai foi e le taitaifono fou, o le masina o Aokuso o le tausaga talu ai na faatoa iloa ai ina ua faia galuega a le suetusi.
Ua sau ai ma le fesili a nisi, pe faafefea ona faatoa iloa e le suetusi ia Aokuso ae o ia lava lea e toatasi na gafa ma tiute faasuetusi i le taimi atoa na sese ai ona faitau pili o moli a aiga.
Ua sau ai ma le talosaga ua tatau ona faatulai ese uma le Komiti Faafoe a le kamupani o loo iai nei.
E leai se tala tele mai le komisi o pisinisi, na ona fai mai o loo fua uma a ana faaiuga i le iuga o suesuega o loo faasolo.
Puna o Faamatalaga: Alpine Energy: Sacking entire board will not help, chair says | Stuff
