Matagofie le vaaiga na maimoaina e le to’atele i le sauniga na tatalaina ai le faamoemoe o taaloga a malo o le taupulega. E silia ma le 5 afe tagata taaalo mai atunuu ma teritori e 72 atoa ai ma le faitau afe o tagata maimoa na agai ane i le aai lona lua aupito telē i Egelani, o Birmigham.
E 12 aso o le a faagasolo ai tausinioga o le Commonwealth Games lea ua ta’ua e silia ma le miliona pepa matamata ua mae’a faatauina. O le pelenise o Uelese, Pelenise Salesa sa faitauina le fe’au faamanuia mai le Tupu Tamaitai o Elisapeta II ma tatala aloaia ai le lona 22 lenei o taaloga a malo o le taupulega.
O loo auai ai le autaalo a NIu Sila aemaise foi le autaalo mai si o tatou atunuu i Samoa.
