E faitau selau tagata ua laina ane i lumā maota o le faleoloa fou o le Costco i Westgate i Aukilani. O le uluai faleoloa lea o le Costco ua tatalaina i Niu Sila nei. O le Costco o se kamupani tele a Amerika e faatau ai oloa i se tulaga siiatoa ma isi foi aitema.
O molimau a nisi o le ‘au faatau ua ta’ua ai o le agai atu i le Costco i le aso ananafi o le a faatusatusa ai tau o ana oloa pe sili atu nai lo isi auaunaga e pei o le Mitre 10 ma le Bunnings.
O le faamatalaga a le alii pule o le Costco i Niu Sila nei Patrick Noone, o se aso taua tele lenei ina ua tatala ai mo le uluai taimi lenei auaunaga. Ua faailoa foi e le One News o nisi o le ‘au faatau sa camp i fafo ane o le faleoloa i le po talatu anapo ina ia vave maua se avanoa pe a tatala faitotoa i le taeao ananafi.
