Amata atu I le Aso Gafua o le vaiaso fou ona toe faataga le afuafu o le a faimalaga mai ai tagata faigaluega faavaitaimi
O le aso 4 o Oketopa lea ua fuafua e amata taunuu mai ai tagata faigaluega faavaitaimi mai Vanuatu, ona faatoa sosoo ai lea ma tagata mai Samoa ma Toga e amata taunuu mai I le aso 12 o Oketopa
O le faasilasilaga lea mai le minisita o faatoaga ananafi, Damien O’Connor ma e le gata o se tala fiafia mo tagata faigaluega o loo saili galuega mai le Pasefika ae faapea I latou e iai faatoaga I totonu o Niu Sila
O i latou uma foi o le a faimalaga mai e tatau ona faamalieina uma tuutuuga a le soifua maloloina e aofia ai le tatau ona maea fai le tui muamua ae e le I tuua atunuu o loo omai ai; taunuu mai faanofoesea ma faia siaki e lua – muamua o le aso faatoa tulaueleele ai ma le aso lona lima
O le au faifaatoaga uma foi o loo lagolagoina le auina mai o nei tagata galulue e tatau ona o latou tapenaina fale e omai faanofoesea ai poo le self-isolation mo le na o le 7 aso ma e le moomia le tau faanofoesea I nofoaga poo faletalimalo o loo faaaogaina nei e le malo
