O le vaiaso nei e tatala mai ai avanoa mo I latou e fia faimalaga I atunuu I fafo mo fuafuaga faapisinisi ae foi mai le tau o I nofoaga faanofoesea, ae o le a amata ai loa le faanofoesea I le fale poo le self-isolation trial
O se tasi lenei o fuafuaga amata a le malo e toe tatala ai tuaoi o Niu Sila I faigamalaga faavaomalo
I le feiloaiga a le tamaitai palemia, Jacinda Ardern ma le vasega o tusitala ananafi na ia toe faamanino ai e na o tagata e moomia le faimalaga I fafo ona o galuega ma fuafuaga faapisinisi ma e na o le 150 avanoa o loo tuu mai mo talosaga
O le Aso Tofi nei e tatala mai ai avanoa mo talosaga ma e faagata I le aso 9 o Oketopa
O I latou uma foi o le a o I fafo ona o galuega ma pisinisi e tatau ona toe taliu mai I le va o le aso 30 o Oketopa ma le aso 8 o Tesema, fuafua ai e maea le piriota o le a faanofoesea ai I le aso 22 o Tesema
