Ile mae’a ai ole faiga o tui suesue lona 6 mo pasese ma le aufaigaluega o e e pito i luma ile faatinoina o auaunaga mo malaga taunuu mai, ua iai se faaopoopoga e 1 ile aofai o e ua aafia ile Koviti ma ole aofiga atoa ua iai nei e 31. O i latou uma nei oloo i nofoaga faanofoesea, ele o iai ni auga ole faamai ma oloo malolosi uma. Ole faaopoopoga e tasi ua oo ai le aofai o tagata faigaluega (tausi soifua) ua aafia ile 6 i totonu o nofoaga faanofoesea ile maota gasegase i Motootua.
Oloo malolosi uma le toafasefuluvalu ole pasese ele o aafia faapea foi le 25 oloo ua aafia ile faamai. E faapea foi tagata faigaluega uma e aofia ai ma tausi soifua e toaono ua aafia; oloo malolosi uma foi.
Ole tuufaatasiga o tagata ua faamaonia ua aafia ile faamai ua iai nei ile 33 ma ua faavasegaina e faapea:• 2 tagata na ulufale mai i Samoa ma faamaonia ai le aafia ile faamai ile 2021 ao iai I nofoaga faanofoesea ae ua toe malolosi• 25 pasese ua aafia i totonu o nofoaga faanofoesea ile 14 aso talu ai• 6 tagata faigaluega ua aafia i totonu o nofoaga faanofoesea
E le o iai se faamaoniga o se tasi ua aafia i nofoaga  faitele i fafo atu o nofoaga faanofoesea. Oloo mataituina lelei foi le
Faaauauina ole Polokalame ole faia o tui puipuiOle aso ananafi 1 Fepuari na taunuu ai ile itula e 4:15 ile afiafi le vaalele ale Fuavaalele ale malo o Ausetalia e aumai tui puipui e 10,000 ole vailaau ole AstraZeneca e tauala mai ile fesoasoani a Ausetalia mo le saga faamalosia ole ausia ose pasene maualuga ole faitau aofai o tagata Samoa e mae’a atoatoa tui puipui. E taua tele lea tulaga e saga tapu’e ai le puipuiga o tagata uma mo le tetee atu ile faamai. Ose tasi foi lea o tulaga e tapena ai mo le isi laasaga ile faia o boosters poo tuiga e faamalosi ai le puipuiga.
Ole Faafetai:Ose faamanuiaga mo Samoa le lagolago ina mau e ana paaga o taumafaiga uma e tali atu ai ile Koviti 19 ma e ala eseese foi ia fesoasoani e pei  ole faafaigofie ona maua vave vailaau mo tui puipui, ole foai mai o masini ma isi meafaigaluega faalesoifua maloloina, o lavalava e talafeagai ma le puipuia o tagata faigaluega e aofia ai ma vailaau mo le tausia ole tumama, o masini ma vailaau mo le faatinoina o tui suesue, o meaalofa tupe e faatino ai ni atiinae maoti, o auaunaga faafaufautua, o aoaoga ma fonotaga e fefaasoaai ai manatu ma fautuaga aua le faatinoga o galuega. 
Ose avanoa lelei lenei e faafetaia ai paaga uma a Samoa oloo fesoasoani tele mai ia tatou taumafaiga uma e tetee atu ai ile Koviti 19; e pei o malo o Ausetalia, Niu Sila, Saina. Iapani. Peretania tele, Malo Aufaatasi ma ona lala faapitoa, Amerika ae maise malo uma na fai sao ile faatupega o galuega ale COVAX facility ile faasoaina ma le la’uina o tui puipui i tulimanu e fa ole lalolagi ae faamuamua ai atunuu laiti ma lē malolosi o latou tamaoaiga. 
E faafetaia foi faalapotopotoga uma faavaomalo ile faatinoga o auaunaga ina ia vave ona oo oloa moomia ae maise vailaau i atunuu. 
E faafetaia faapitoa tagata faigaluega uma oloo muaau i auaunaga i o tatou tuaoi ma avea ma tatou tali pupuni ile faamai. E faafetai foi le atunuu atoa ile usitaia ma le onosaia o laasaga uma ua faatulafonoina aua lo tatou saogalemu.