Ua toe fesuiai atoa fuafuaga ma tapenaga a aiga ma faapotopotoga I Sini Ausetalia ona o le tulaga ua oo nei iai le aofai o tagata ua aafia I lekoviti 19 i totonu o Niu Sau Uelese. O loo ua faasa mai foi tuaoi o isi setete Ia Niu Sau Uelese ina ua oo atu I le 68 ua faamauina ua aafia mai le itu I matu o Niu Sau Uelese.
O lea ua toe agai ane leoleo a Vitoria e siaki le tuaoi ma Niu Sau Uelese aemaise le toe faatulaga o nofoaga e faanofoesea ai poo le quarantine, Toatele tagata ua toe tolopo fuafuaga ma aiga ma tafaoga ona o lenei suiga. O loo taumafai lava le matagaluega o le soifua maloloina ma ona taitai ina ia toe vave faamuta ai ii le pepesi ale faamai atoa ai male toe pepesi atu I isi setete.
Ua toe aliae ai iNiu Sau Uelese ma le ituaiga faiga faatau panic buying ona o le popolega ina nei toe faasa ma faatulaga mai le aofai o oloa e mafai ona faatau ise taimi e tasi.
O loo faia pea le galuega ale premier ma le matagaluega I le faia o siaki ae ua faaopoopo foi nisi o auaunaga mo le faia o siaki ma test o le faamai ma le faamoemoe e toe Iloilo nisi o vavao pe a oo I le aso Lulu o le vaiaso nei.
