O faamatalaga e faatatau i faiga e le faaituau, o le filemu ma se faamanatu ile maua o avanoa e faia ai tui puipui mo le lalolagi atoa, o nisi ia o itu na agai iai le saunoaga a le peresetene o le Komiti o taaloga o le Olimipeka Faavaomalom Thomas Bach ina ua tapunia aloaia lea foi faamoemoe I le po anapo ile aai o Beijing I Saina.
Tape ai ma le sulu o ia taaloga mo le taimi nei ina ua faaiuina le sauniga e tapunia aloia ai le faamoemoe o Winter Olympics pei ona talimalo ai Saina.
Mo Ausetalia sa tulaga 18 ile faasologa o atunuu na auai atoa ma pine na maua,tasi le auro, 2 siliva ma le apa memea e tasi, fai mai ole iuga sili lea o se au taalo a Ausetalia ua ave I ia taaloga.
Ua pasi atu nei fua ma le sulu o le Olimipeka ile atunuu o Italia lea o le a talimalo I taaloga lava nei ile 2026.
