Tapunia le tele o faletusi, fale o loo iai vai taele ma paka i le tele o vaega o le atunuu a o paso ai le council i le utiuti o le au galulue.
O le toe sau malosi o le Koviti, to’aitiiti le aufaigaluega faapea ai ma le malosi o le fūlū ua faia ai ma faai’uga a local council e tapunia le tele o ona fale ona ua leai se aufaigaluega.
Mai se tasi o sui o le pulega i tala a le TV1, faato’ā vaai lea i se mea faapea i totonu o le 30 tausaga.
I totonu o le aso e tasi e i le va o le 35 – 45% tagata lē faigaluega, ma ua totogi maualuga ai foi ma le aufaigaluega ina ia taumafai e tosina mai ai Kiwis.
O le Wellington’s Tawa Pool toe to’atolu le aufaigaluega ma o loo faasalalau avanoa o le isi to’aono, ma ua faamalosia ai ma le council e tapuni ona faitoto’a seia oo ia Setema.
I lipoti e iai avanoa faigaluega ua 12 masina o avanoa ona o loo tausaili pea nisi.
