O le lotoa o le Palemene o le a tapunia mo tagata lautele ile aso a taeao ma ua lipotia foi le faatonuina o le aufaigaluega ina ia faigaluega mai le fale pe a mafai mafua ona o seisi foi solotetee o loo fetauaina.
Faamaonia e le fofoga fetalai o le maota Trevor Mallard le fuafuaga lea ile maea o fautuaga mai leoleo . O loo lipotia I le stuff se kulupu faaigoaina Unite o loo fuafua sa latou tetee e 14 aso I vaega eseese o Ueligitone amata I le aso a taeao.
O se faamatalaga mai faauluuluga o auaunaga faapalemene Rafael Conzales ua taua ai ua faatulaga vaega tau le puipuiga I le lotoa o le palemene ma e le o faatagaina ona uia le fanua e aunoa ma se faatagana mai le ofisa o le fofoga fetalai.
